နူတ်ဆက်ခွဲခွါခြင်းဖြင့်
ကြေကွဲရိပ်ဆင်သော မျက်ဝန်း၌
တစ်စုံတစ်ရာသောမျှော်လင့်ချက်တို့သည်
ကင်းမဲ့ခဲ့ပြီလား…………
အတူဆုံတွေ့စဉ်က
မျှော်လင့်ခြင်းဖြင့်တောက်ပခဲ့သော
မျက်ဝန်းအစုံသည်
ခွဲခွါခြင်း၌
အမှောင်ဖုံးသောတိမ်တိုက်ပမာ
အုံ့မှိုင်းလျက်ပြိုမယောင်
ငိုမယောင်ယောင်နဲ့လေ…………
ပင့်သက်တစ်ရှိုက်မှာ
အသက်ပါ ပါသွားမတတ်
ရင်ရပ်ပါနင်းချေ
ကွေ့ကွင်းခြင်းကြမ္မာဆိုး
ရန်ငြိုးထားလေသလား……………
နှစ်" လ" ရာသီ
အလီလီပြောင်း
တပေါင်းလည်းကုန်
ပိတောက်ထုံသင်း
ပင်လုံးကြိုင်ဝါဝါဝင်းလျှင်ဖြင့်
ပင့်သက်အခါခါ
လွမ်းသခင့်ကိုသာတမ်း
ကျွမ်းဖူးသူမျှော်ယောင်မှန်းခဲ့သည်
လွမ်း……နှစ်သစ်ကူး။
မင်းစစ်သွေး
No comments:
Post a Comment